Denov tumanida bir guruh yurtdoshlarimizga O‘zbekiston Respublikasi fuqaroligini tasdiqlovchi hujjatlar tantanali ravishda topshirildi.
Tadbir Denov tumani IIB Migratsiya va fuqarolikni rasmiylashtirish bo‘linmasida tashkil etilib, unda tuman IIB boshlig‘i O‘. Shukurov va bo‘linma boshlig‘i S. Jumayeva ishtirok etdi.
O‘zbekiston Respublikasining “O‘zbekiston Respublikasining fuqaroligi to‘g‘risida”gi Qonuni 6-moddasiga muvofiq fuqarolikni olgan yurtdoshlarimiz ushbu voqea ular uchun yangi imkoniyatlar eshigini ochganini ta’kidladilar.
Marosimda yangi fuqarolarga samimiy tilaklar bildirilib, mamlakatimiz taraqqiyotiga munosib hissa qo‘shish, o‘z huquq va majburiyatlarini anglagan holda jamiyat hayotida faol ishtirok etish muhimligi qayd etildi.
