Aholi bandligini ta’minlash, oilalar daromadini oshirish hamda kambag‘allikni qisqartirishda tomorqalardan unumli foydalanish bugungi kunning eng dolzarb vazifalaridan biri hisoblanadi. Shu maqsadda Muzrabot tumanining Gulobod mahallasida tashkil etilgan namunali xonadon tajribasi mutasaddilarga tanishtirildi.
Mazkur xonadonda tomorqadan oqilona foydalanish yo‘lga qo‘yilib, anorchilik, uzumchilik, quyonchilik va parrandachilikni rivojlantirish orqali oila uchun barqaror qo‘shimcha daromad manbalari yaratilgan.
Seminar davomida ushbu tajribani barcha hududlarda ommalashtirish, har bir mahallada shunday namunali xonadonlar sonini ko‘paytirish, aholini tomorqachilik, bog‘dorchilik va chorvachilik bilan faol shug‘ullanishga yo‘naltirish bo‘yicha mas’ullarga aniq vazifalar belgilandi.
