Sariosiyo tumani markazidan 120 kilometr uzoqlikda, tog‘li hududda joylashgan Chosh qishlog‘ida yuzaga kelgan elektr ta’minotidagi avariya holati qisqa muddatda bartaraf etildi. Qorli va noqulay ob-havo sharoitlariga qaramay, energetika sohasi mutaxassislari tomonidan olib borilgan tezkor va fidokorona ishlar natijasida aholi yana barqaror elektr energiyasi bilan ta’minlandi.
Mazkur holat chekka va olis hududlarda yashovchi aholining hayot sifatini ta’minlash, ayniqsa qish mavsumida uzluksiz elektr ta’minotining naqadar muhim ekanini yana bir bor ko‘rsatdi. Mutaxassislarning yuqori malakasi va mas’uliyati tufayli yuzaga kelgan muammo o‘z vaqtida bartaraf etilib, aholiga qulay sharoitlar yaratildi.
