O‘zbekiston Respublikasi Vazirlar Mahkamasining 2025-yil 5-noyabrdagi 66-son majlisi topshirig‘iga muvofiq, “Yashil makon” umumxalq loyihasi doirasida mamlakat bo‘ylab keng ko‘lamli ko‘chat ekish ishlari boshlandi. Shu jarayonning bir qismi sifatida Abu Ali ibn Sino nomidagi ixtisoslashtirilgan maktabning Termiz filialida o‘quvchilar va o‘qituvchilar ishtirokida navbatdagi ko‘chat ekish tadbiri tashkil etildi.
Tadbir davomida maktab hovlisi va bo‘sh maydonlarga manzarali daraxtlar, butalar hamda mahalliy iqlimga mos o‘simliklar ekildi.
Mazkur ekinlar nafaqat maktab hududining ko‘rkam bo‘lishiga xizmat qiladi, balki o‘quvchilarda ekologik madaniyat, tabiatga mehr va mas’uliyat hissini shakllantirishda muhim ahamiyat kasb etadi.
