Muhim masalalar muhokama etildi

Termizda Surxondaryo viloyati saylov komissiyasining navbatdagi yig‘ilishi bo‘lib o‘tdi. Komissiya a’zolari va ommaviy axborot vositalari xodimlari ishtirok etgan yig‘ilishda viloyat hududiy saylov komissiyasining 2025-yilga mo‘ljallangan ish rejasi ijrosi, Markaziy saylov komissiyasi ishchi guruhining tuman va shahar saylov komissiyalari faoliyatini o‘rganish yakunlari va viloyatda bo‘shab qolgan ayrim deputalik o‘rinlariga o‘tkazilgan mahalliy Kengashlar deputatlari saylovi to‘g‘risidagi masalalar ko‘rib chiqildi.
Hududiy saylov komissiyasining joriy yilga mo‘ljallangan ish rejasi 3 ta bo‘lim va 18 banddan iborat etib tasdiqlangan. Shunga muvofiq, O‘zbekiston Respublikasi Oliy Majlisi Qonunchilik palatasiga va mahalliy Kengashlar deputatlari saylovi natijalari tahlil qilinib, sohaga oid normativ-huquqiy hujjatlarni yanada takomillashtirish choralarini ko‘rish hamda saylov komissiyalari faoliyatiga raqamli texnologiyalarni keng joriy etish, “E-saylov” axborot tizimini modernizatsiya qilish va tizimni takomillashtirish yuzasidan ham Markaziy saylov komissiyasiga takliflar kiritildi.
Yig‘ilishda ko‘rilgan barcha masalalar yuzasidan tegishli qaror qabul qilindi.