Suv olish tartibini buzganlik uchun yuridik shaxslarga jarimalar belgilandi. Suv olish tartibining buzilishi moliyaviy sanksiyalar qo‘llanganidan keyin 1 yil ichida takroran sodir etilganda, ushbu moliyaviy sanksiyalar 5 baravar miqdorda qo‘llanadi.
Yangi qabul qilingan Suv kodeksiga ko‘ra, baliq xo‘jaligi, sanoat, energetika va xo‘jalik-maishiy ehtiyojlar uchun suv olish tartibi yuridik shaxslar tomonidan buzilganda, ularga nisbatan quyidagi miqdorlarda jarima tarzidagi moliyaviy sanksiyalar qo‘llanadi. Jumladan, suvdan foydalanuvchilar belgilangan limitdan ortiq olgan har ming kub metr suv uchun – BHM 20 foizi, suvdan foydalanuvchilar suv olish shartnomalari tuzilmagan holda olgan har ming kub metr suv uchun – BHM 30 foizi, suvdan foydalanuvchilar suvni boshqarish va hisobga olish vositalari bilan jihozlanmagan holda olgan har ming kub metr suv uchun – BHM 5 foizi, suv xo‘jaligining foydalanuvchi tashkilotlari, suv yetkazib beruvchi tashkilotlar va suvdan foydalanuvchilar suvdan maxsus foydalanishga doir ruxsatnomasiz olgan har ming kub metr suv uchun – BHM 40 foizi miqdorida jarima to‘laydi.
Suv olish tartibining buzilishi moliyaviy sanksiyalar qo‘llanganidan keyin 1 yil ichida takroran sodir etilganda, ushbu moliyaviy sanksiyalar 5 baravar miqdorda qo‘llanadi.
