«Agrobank» homiyligida tashkil etilgan va davomli loyihaga aylangan ushbu loyiha mutaxassislari tomonidan Bandixon tumanida amaliy seminar tashkil etildi. Seminarda fermer xo‘jaliklari rahbarlari, tomorqa yer egalari, dehqon xo‘jaliklari rahbarlari va faol fuqarolar ishtirok etdi.
Seminarda professor o‘qituvchilar va sohalar mutaxassislari tomonidan yig‘ilganlarga suv resurslaridan foydalanish tartibi, zamonaviy sug‘orish texnologiyalari, hududlarning tuproq sharoiti, sug‘orish muddatlari va meyorlari, ekindan yuqori hosildorlik olish, chorvachilikda yaxshi natijalarga erishish to‘g‘risida tushunchalar berildi.
Seminar yakunida “suv – tekin” emasligini iste’molchilar o‘rtasida targ‘ib etish muhimligi ta’kidlandi.
