Sayr-u sayohat yaxshi, ammo xavfsizlik choralariga ham e’tibor qaratish lozim. Ayni maqsadni ko‘zlagan holda viloyat Favqulodda vaziyatlar boshqarmasi, Sariosiyo tumani FVB xodimlari tomonidan To‘palang suv omborida kichik hajmli kemalardan xavfsiz foydalanish bo‘yicha profilaktik tadbirlar o‘tkazilmoqda.
Mazkur tadbirlar davomida fuqaro va sayyohlarga kichik hajmli kemalardan foydalanishda xavfsizlik qoidalariga rioya etish, favqulodda vaziyatlarning oldini olish, shuningdek, yong‘in va cho‘kish holatlarining oldini olish bo‘yicha tushuntirish ishlari olib borilmoqda. Tadbirlar davomida fuqarolarga maxsus bukletlar tarqatildi, amaliy ko‘rgazmalar tashkil etildi va xavfsizlik choralariga qat’iy rioya qilish zarurligi alohida ta’kidlandi.
