Oltinsoy tuman ixtisoslashtirilgan maktabining iqtidorli oʻquvchisi Shamshodbek Qurbonov xalqaro miqyosdagi tanlovda muvaffaqiyatli ishtirok etib, Top 100 Universities Camp dasturiga qabul qilindi.
Ushbu nufuzli dasturga dunyoning turli burchaklaridan minglab talabgorlar ariza topshirgan boʻlib, ularning orasidan eng iqtidorlilari tanlab olindi. Shamshodbek ushbu kuchli raqobatda oʻz bilim va salohiyati bilan ajralib chiqdi.
Bu bilan u dunyoning eng yetakchi oliygohlaridan bo‘lgan mentorlar bilan to‘g‘ridan-to‘g‘ri ishlash, universitetga kirish strategiyalari bilan tanishish, seminar va mashg‘ulotlarda ishtirok etish imkoniga ega bo‘ladi. Shamshodbek xalqaro IELTSdan 7 ballik, SATdan 1 380 va CEFR multilevel sertifikatlariga ega.
