Farg‘onada bo‘lib o‘tgan “Central Asia – 2025: Fan, ta’lim, madaniyat va biznesda internet va axborot-kutubxona resurslari” mavzusidagi xalqaro konferensiya doirasida kitobxonlikni rivojlantirish, axborot-kutubxona sohasini yuksaltirishda faol ishtirok etayotgan bir guruh mutaxassislar “Axborot-kutubxona a’lochisi” ko‘krak nishoni bilan taqdirlandi.
Mukofotlanganlar orasida Surxondaryodan Adib Sobir Termiziy nomidagi viloyat axborot-kutubxona markazi direktori Ma’ruf Abdushukurov, viloyat bolalar kutubxonasi direktori Sanjarbek Olimov hamda Angor tumani axborot-kutubxona markazi direktori Gulchehra Ahmedovalarning ham borligi quvonarli.
Mukofotlarni egalariga Axborot va ommaviy kommunikatsiyalar agentligi direktori Asadjon Xodjayev topshirdi.
