10 gektar maydonda banan yetishtiriladi

Hududlarda tadbirkorlik va ishbilarmonlik muhitini yaratish aholi farovonligini oshirishda muhim ahamiyat kasb etadi. Shu sababli, viloyatimizda tadbirkorlar bilan muntazam muloqotlar tashkil etilib, mavjud muammolar bartaraf etib kelinmoqda.
Surxondaryo viloyati hokimi Ulug‘bek Qosimovning Sho‘rchi tumaniga tashrifi doirasida videokonferensaloqa orqali investorlar va eksport faoliyati bilan shug‘ullanuvchi tadbirkorlar bilan muloqot qildi.
Unda sohada amalga oshirilayotgan ishlar tahlil qilinib, avvalgi uchrashuvlarda belgilangan vazifalar ijrosi yuzasidan mutasaddi tashkilotlarning hisobotlari tinglandi. Ko‘tarilgan masalalarni hal etish maqsadida mas’ullar biriktirilib, har bir vazifa uchun ijro muddatlari belgilab berildi.
Tashrif doirasida viloyat hokimi “Qora ariq” mahallasidagi 74-sonli maktabning yangi binosini jihozlash ishlari bilan ham tanishdi. Shuningdek, 10 gektar maydonda amalga oshirilishi rejalashtirilgan banan yetishtirish loyihasi taqdimoti ham namoyish etildi. Ushbu yo‘nalishlar bo‘yicha tegishli rahbar va mutasaddilarga aniq vazifalar yuklatildi.