Tadbirkorlik va ishbilarmonlik muhitini yanada yaxshilash, shuningdek, investitsion salohiyatni oshirish davlat iqtisodi uchun muhim. Ayni maqsadda belgilangan vazifalar ijrosi doirasida vohada tadbirkorlar bilan ochiq muloqotlar tashkil etilmoqda. Surxondaryo viloyati hokimi Ulug‘bek Qosimov Termiz shahridagi “Matbuot uyi”da turizm yo‘nalishida faoliyat yuritayotgan tadbirkorlar bilan uchrashdi.
Muloqot davomida tadbirkorlarning sohadagi muammo va takliflari tinglandi. Viloyat rahbari tomonidan tegishli mutasaddilarga infratuzilmani rivojlantirish, kichik biznes uchun qulay sharoit yaratish, davlat dasturlarini samarali tashkil etish hamda sohadagi tashabbuslarni qo‘llab-quvvatlash yuzasidan aniq topshiriqlar berildi.
