Natija uyaltirmaydi

Andijonda sportning qo‘l jangi turi bo‘yicha yoshlar va kichik o‘smirlar o‘rtasida O‘zbekiston chempionati bo‘lib o‘tdi. Musobaqada mamlakatimizdagi huquqni muhofaza qiluvchi idora vakillari hamda harbiylardan 1 500 nafardan ortiq sportchi ishtirok etdi.
Maydonga tushganlar qo‘l jangida bor kuch va imkoniyatlarini ishga solib, kurashdi. Bellashuvda eng kuchlilar g‘alaba qozondi. Surxondaryo viloyati terma jamoasi sportchilari yuqori natijalarni qayd etib, Alpomish izdoshi qanday bo‘lishini isbotlab berdi. Vohamiz yoshlari 7 ta oltin, 5 ta kumush,12 ta bronza medalni qõlga kiritishdi.