Boysun tumanida jami 107 ta maktabgacha ta’lim tashkiloti faoliyat ko‘rsatmoqda. Bu o‘tgan uch yilga nisbatan 97 taga ko‘p, ya’ni 940 foizga o‘sish demakdir.
“Ko‘chkak” mahallasida “Muqtadir ixtisos ta’mir” xususiy korxonasi tomonidan 90 o‘ringa mo‘ljallangan qiymati 2 milliard 475 millionn so‘mlik bo‘lgan 23-sonli davlat maktabgacha ta’lim tashkilotining ochilish marosimi bo‘lib o‘tdi.
Ayni vaqtda “Ko‘chkak” mahallasidagi 90 nafar 3 yoshdan 7 yoshgacha bo‘lgan bolaning ushbu davlat maktabgacha ta’lim tashkilotiga qamrab olinishi ko‘zda tutilgan. Bundan tashqari, aholi bandligini ta’minlash maqsadida ushbu tashkilotga hududdagi jami 35 nafardan ortiq pedagog va ishchi xodim ishga qabul qilinadi. Ushbu maktabgacha ta’lim tashkilotini faoliyat ko‘rsatishi uchun barcha sharoitlar yaratilgan.
