Mahalla binosi qurilishi boshlandi

Jarqo‘rg‘on tumanidagi “Mustaqillik” mahallasida aholiga qulay sharoit yaratish va mahalla tizimi faoliyatini yanada samarali yo‘lga qo‘yish maqsadida yangi mahalla binosining qurilish ishlari boshlandi. Mazkur bino zamonaviy talablar asosida bunyod etilib, mahalla fuqarolar yig‘ini faoliyatini samarali olib borish uchun barcha zarur sharoitlar bilan ta’minlanadi.
Unda fuqarolar yig‘ini raisi, profilaktika inspektori va mahalla faollari uchun alohida xonalar, yig‘ilishlar o‘tkazish zali hamda aholiga xizmat ko‘rsatish uchun qulay infratuzilma yaratilishi rejalashtirilgan. Qurilish ishlari belgilangan muddatda sifatli bajarilishi uchun tajribali mutaxassislar jalb etilgan bo‘lib, yangi bino mahalla aholisi uchun muhim ijtimoiy markazga aylanishi kutilmoqda.