Texnikumdan universitetga

Bugungi kunda yoshlarning oliy ma’lumot olishlari uchun barcha shart-sharoit va imkoniyatlar yaratilmoqda. Universitetda o‘qish avvalgidek qiyin emas. Bir necha yillab tayyorgarlik ko‘rishga hojat yo‘q. Yangi o‘quv yilidan boshlab, kollej-texnikumning 1-2-kursidagi ta’lim dasturlari, darsliklar, bilimni baholash mezonlari va o‘qituvchilarga talablar oliygohlar bilan bir xil bo‘ladi.
Shu bilan birga, texnikumlarda «kredit tizimi» joriy qilinib, fanni o‘zlashtirish bo‘yicha to‘plangan «kreditlar» oliygohlarda tan olinadi. Ya’ni, kollej-texnikumda ikki yil davomida yetarli «kredit» to‘plagan o‘quvchi «2+2» yoki «2+3» dasturlari asosida oliygohlarning ikkinchi yoki uchinchi kurslarida ta’limni davom ettirish imkoniyatiga ega bo‘ladi.