“Yoshlar daftari — imkoniyatlar daftari”

“Yoshlar daftari” ishsiz yoshlarning hayotda o‘z yo‘lini topishiga keng yo‘l ochmoqda. Bu bilan yoshlar doimiy daromad manbaiga ega bo‘lib, o‘zi va oilasiga foyda keltirish bilan birga vaqtlarini foydali mehnat bilan o‘tkazishayotgani ahamiyatli. Muzrabotlik Muyassar Oqmurodova ana shunday yoshlardan bir. U hozirgi kunda issiqxonada turmush o‘rtog‘i bilan ishlab, daromad topmoqda.
Muyassar mahalladagi yoshlar yetakchisi yordami bilan 15 million so‘mlik kredit olib, issiqxonada qo‘ziqorin yetishtirishni yo‘lga qo‘ydi. Qo‘ziqorin yetishtirishning sir-asrorini bilgan uchun uni ekish, agrotexnik tadbirlarni o‘z vaqtida amalga oshirish kifoya. Qo‘ziqorinlar potirlab chiqib, egasini ko‘p kuttirmay xursand qiladi. Tadbirkor oila 1 yilda 4 marotaba hosil olishni rejalashtirgan bo‘lib, har bir hosil 400 kilogramni tashkil etadi.