Angor tumanining Zartepa mahallasida yashovchi Murod To‘rayevlar oilasi tomorqadan samarali foydalanib, daromad manbalarini kengaytirib kelmoqda.
Oila boshlig‘i turmush o‘rtog‘i Sabohat Muqimova va farzandlari bilan birgalikda 5 sotix maydondagi, yetti yildan buyon faoliyat yuritayotgan issiqxonada limon parvarishlamoqda.
Issiqxona qator oralariga baqlajon, piyoz va turli ko‘katlar ekilgani mavjud yer maydonidan unumli foydalanish hamda qo‘shimcha daromad olish imkonini bermoqda. Oila chorvachilik bilan ham shug‘ullanib, daromad manbalarini yanada kengaytirgan.
To‘rayevlar oilasining mehnatsevarligi va tomorqadan oqilona foydalanish tajribasi boshqa xonadonlar uchun ham ibratdir.
