Senat lotin yozuviga asoslangan o‘zbek alifbosini takomillashtirishga oid qonunni ma’qulladi. Unga ko‘ra, amaldagi alifbodagi ayrim harflar o‘zgartirilib, alifbo 28 ta harf va bitta tutuq belgisidan iborat bo‘ladi.
Yangi tahrirda G‘ g‘ harfi Ğ ğ, O‘ o‘ — Ö ö, Sh sh — Ş ş, Ch ch — Ç ç shakliga o‘tkaziladi. Bu o‘zgarishlar bir tovush — bir harf tamoyilini ta’minlash hamda o‘zbek tilini raqamlashtirish jarayonidagi texnik muammolarni kamaytirishga qaratilgan.
Qonunga ko‘ra, yangi alifboga o‘tish davrida amaldagi alifboda rasmiylashtirilgan hujjatlar, milliy valyuta va qimmatli qog‘ozlarning muomalada bo‘lishiga to‘sqinlik qilinmaydi. Ayrim peshlavha va ramziy belgilardan esa belgilangan muddatgacha foydalanishga ruxsat beriladi.
Qonun qabul qilingan kundan olti oy o‘tib kuchga kiradi.
