Nogironligi bo‘lgan sportchilarni qo‘llab-quvvatlash va ularning xalqaro maydonlardagi muvaffaqiyatlari mamlakatimizda para sportni rivojlantirish borasida amalga oshirilayotgan islohotlarning amaliy samarasidir.
Toshkent shahrida para yengil atletika bo‘yicha kattalar o‘rtasida o‘tkazilgan O‘zbekiston chempionatida Sharg‘un shahar sport maktabi tarbiyalanuvchisi Ma’rufjon Murodulloyev T46/T47 klassida 1500 metrga yugurish bahslarida faxrli 1-o‘rinni qo‘lga kiritdi.
Mazkur g‘alaba sportchining yuksak tayyorgarligi va mahoratini yana bir bor namoyon etdi. E’tiborlisi, Ma’rufjon Murodulloyev 2026-yil 18–24-oktyabr kunlari Yaponiyaning Nagoya shahrida bo‘lib o‘tadigan Paraosiyo o‘yinlarida O‘zbekiston sharafini himoya qiladi. Uning ushbu nufuzli musobaqadagi ishtiroki yurtimiz para sporti rivoji va xalqaro maydondagi nufuzini yanada mustahkamlashga xizmat qilishi kutilmoqda.
