Surxondaryo viloyati hokimining tashabbusi bilan Termiz tumanidagi “Termiz”, “Quyoshli yurt”, Sharof Rashidov, Amir Temur va “Qoraxon” mahallalarida “Yangi O‘zbekiston qiyofasidagi mahalla” konsepsiyasi asosida keng ko‘lamli infratuzilma ishlari olib borilayotganidan xabaringiz bor.
Loyiha doirasida 20,5 kilometr ichimlik suvi tarmoqlari tortish, 5 ta yangi suv qudug‘i qazish, 30 kilometr ichki yo‘llarni asfaltlash, 5 ta transformator punkti qurish hamda elektr tarmoqlarini yangilash ishlari bosqichma-bosqich amalga oshirilmoqda.
Hozirda ichimlik suvi tarmoqlari tortilib, elektr ustunlari yangilangan hududlarda yo‘llarni asfaltlash ishlari olib borilmoqda. Loyihalar yakunlangach, ushbu besh mahalla zamonaviy infratuzilmaga ega, kommunal xizmatlar bilan to‘liq ta’minlangan hududga aylanishi kutilmoqda.
