Surxondaryo viloyatida bahorning eng go‘zal bayrami – Navro‘z umumxalq sayllari ko‘tarinki ruhda boshlandi. Bu yilgi asosiy bayram tadbirlari Termiz tumanidagi “Yangi O‘zbekiston” massivi amfiteatr maydonida tashkil etilmoqda.
11–20-mart kunlari davom etadigan o‘n kunlik bayram dasturi doirasida turli madaniy-ma’rifiy tadbirlar, konsertlar va tomoshalar o‘tkazilishi rejalashtirilgan. Tadbirlarning ilk kunidan boshlab viloyat qo‘g‘irchoq teatri ijodiy jamoasi ham o‘z sahna ko‘rinishlari bilan Termiz shahri aholisi va mehmonlariga madaniy xizmat ko‘rsatmoqda.
Navro‘z sayllari davomida hudud aholisi va mehmonlar uchun yana ko‘plab qiziqarli chiqishlar va bayram dasturlari taqdim etilishi kutilmoqda.
