Qumqo‘rg‘on tumani hududidan o‘tuvchi 4R-101 avtomobil yo‘lining 0–7 kilometr qismida keng ko‘lamli qayta qurish ishlari olib borilmoqda. Loyiha ikki bosqichda amalga oshirilishi rejalashtirilgan bo‘lib, bunyodkorlik ishlari belgilangan jadval asosida izchil davom etmoqda.
Birinchi bosqich doirasida 3 ta ko‘prik to‘liq demontaj qilinib, ularning o‘rnida zamonaviy va mustahkam yangi ko‘priklar barpo etilmoqda. Ikkinchi bosqichda esa 3 kilometr yo‘l qismida asfalt yotqizish ishlari amalga oshiriladi. Hozirda yo‘l qatlamini tekislash va tayyorlash ishlari olib borilmoqda.
“Shaffof qurilish” milliy axborot tizimiga muvofiq, loyiha ishlarining bosh pudratchisi etib “MEGA JELEZA BETON” MChJ belgilangan. Ushbu loyiha tuman infratuzilmasini yaxshilash, aholi va transport qatnovi uchun qulay sharoitlar yaratishga xizmat qiladi.
