Bandixon tuman ixtisoslashtirilgan maktabining 11-sinf o‘quvchisi Jamshid Xolmurotov SAT imtihonidan 1400 superscore natija qayd etib, tumani va maktabi sharafini yuksaltirdi. Ushbu yuqori ball Jamshidga dunyoning yetakchi, jumladan Top 50 talik universitetlariga hujjat topshirish imkonini beradi.
SAT (Scholastic Assessment Test) — AQSh va boshqa ko‘plab mamlakatlarning nufuzli universitetlari tomonidan tan olinadigan standartlashtirilgan xalqaro imtihon bo‘lib, unda abituriyentlarning matematika, ingliz tili va yozish ko‘nikmalari baholanadi. 1400 ball — o‘quvchining mustahkam bilimga, mantiqiy tafakkurga va yuqori akademik salohiyatga ega ekanidan dalolat beradi.
Jamshidning ushbu yutug‘i nafaqat shaxsiy mehnat va intilishning mevasi, balki ixtisoslashtirilgan maktablarda yaratilayotgan ta’lim muhitining samaradorligini ham ko‘rsatadi. Bu natija yoshlarimizning xalqaro maydonda raqobatbardosh bo‘lishi, katta marralarni ko‘zlab, ishonch bilan olg‘a intilayotganini yaqqol namoyon etadi.
