Sariosiyo tumanidagi “Afrosiyob” mahallasida yangi maktabgacha ta’lim tashkiloti tantanali ravishda foydalanishga topshirildi. Ochilish marosimida tuman hokimi Odiljon Yaqubov, ta’lim bo‘limi mas’ullari, ota-onalar, nuroniylar va jamoatchilik vakillari ishtirok etib, bog‘chada yaratilgan sharoitlar bilan yaqindan tanishdi.
Mazkur tashkilot 94-sonli umumta’lim maktabining bo‘sh turgan binosida qayta tashkil etilib, 38-sonli davlat maktabgacha ta’lim muassasasi sifatida faoliyat boshladi.
140 o‘rinli zamonaviy bog‘chada oshxona, musiqa zali, bolalar o‘yin maydonchalari, mashg‘ulotlar uchun tashqi ayvonlar va bolalar rivoji uchun zarur barcha sharoitlar yaratilgan. Ushbu yangi ta’lim maskani tumandagi bolajonlar uchun munosib va qulay tarbiya muhitini ta’minlaydi.
