Termiz shahridagi 1-maktabning iqtidorli sportchilari — Yasmina Tohirova va Kumushbibi Muzaffarova muaytay bo‘yicha o‘tkazilgan Osiyo chempionatida munosib ishtirok etib, yuqori mahorat va matonat ko‘rsatishdi.
Musobaqaning kuchli raqobat ruhida o‘tganiga qaramay, ular saralash va final bosqichlarida ham ustunlikni qo‘ldan bermay, Osiyo chempioni unvoniga sazovor bo‘lishdi. Bu g‘alaba o‘quvchilarning puxta tayyorgarligi, murabbiylarining samarali mashg‘ulot jarayonlari va musobaqadagi qat’iy intilishi natijasi bo‘lib, Termiz shahridagi 1-maktab sport yutuqlariga yana bir muhim sahifa qo‘shdi.
