2026-yil 1-yanvardan boshlab YTTlarga firma nomiga ega bo‘lishga ruxsat etiladi. Bu bo‘yicha Prezident farmoni qabul qilindi.
Unga ko‘ra, “Biznesni 15 daqiqada boshlash” tamoyili doirasida:
— tadbirkor har bir xizmatdan o‘z tanlovi asosida ixtiyoriy ravishda foydalanadi;
— tanlangan xizmatlar bo‘yicha yagona QR kod orqali to‘lovni amalga oshirish imkoniyati yaratiladi.
2026-yil 1-yanvardan:
— YTTlarga firma nomiga ega bo‘lishga ruxsat beriladi;
— tadbirkorlarning birlamchi ma’lumotlari o‘zgarganda, ushbu ma’lumotlar bo‘yicha o‘zgartirishlar YTT guvohnomasiga, litsenziya, ruxsatnoma va xabarnomalarga avtomatik tarzda bepul kiritiladi.
2026-yil 1-martdan:
— litsenziyalash, ruxsat berish va xabardor qilish tartib-taomillari sohasidagi huquqbuzarliklarni sodir etganlik uchun yuridik shaxslarga jarima qo‘llanilganda, ularning mansabdor shaxslarini ma’muriy javobgarlikka tortish tartibi bekor qilinadi; — “Litsenziya” axborot tizimida litsenziya va ruxsat berish xususiyatiga ega hujjatlarni olishda ixtiyoriy dastlabki baholash xizmati yo‘lga qo‘yiladi.
