Olimlar Yer tomon uchib kelayotgan 24 kilometr uzunlikdagi sirli obyektni payqashdi. U noyabr oyida yetib kelishi kutilmoqda. Ammo ba’zi tadqiqotchilarning fikricha, bu niqoblangan o‘zga sayyoraliklar kemasi bo‘lishi mumkin.
Obyekt o‘zini g‘alati tutmoqda, jumladan, u trayektoriyasini o‘zgartirmoqda hamda fizika qonunlariga mos kelmaydigan tarzda harakatlanayotganga o‘xshaydi. NASA bu obyektni kometa deb tasniflagan, biroq ikki nafar Garvard olimi buning begona sivilizatsiyadan yuborilgan “mehmon” bo‘lishi mumkinligiga ishonmoqda.
Mutaxassislar yana bir qiziq fikrni bildirmoqda. 3I/ATLASning Quyoshga eng yaqin nuqtasi 29-oktabrga to‘g‘ri keladi. Aynan shu kuni obyekt Quyosh tomonidan butunlay to‘silib, Yer sayyorasidan umuman ko‘rinmay qoladi. Bu holat esa tasodif bo‘lmasligi ham mumkin. Begona intellekt ehtimol bu muddatdan Yerdagi kuzatuvchilarni chalg‘itish yoki yashirin harakatlar uchun foydalanishni maqsad qilgandir.
