Vazirlar Mahkamasi qarori (23.07.2025-yil, 462-son) bilan ayollarni ijtimoiy qo‘llab-quvvatlash va ularning bandligini oshirishga qaratilgan bir qator chora-tadbirlar amalga oshiriladi. Jumladan, ijtimoiy tashabbuslar moliyalashtiriladi. Bunda “Ayollar daftari” jamg‘armasi orqali eng yaxshi ijtimoiy loyihalarga BHMning 60 barobarigacha mablag‘ ajratiladi. Faqat ishga tushirilgan loyiha kamida 3 ta ish o‘rnini yaratishi lozim.
Mablag‘lar xususiy shaxslarga uskunalar va xomashyo, nodavlat-notijorat tashkilotlar uchun ishlab chiqarishni kengaytirish va ishtirokchilarni o‘qitish uchun ajratiladi. Bundan tashqari, kam ta’minlangan ayollarga ijara to‘lovining 50 foizigacha kompensatsiya beriladi.
Bunda limitlar darajalanadi. “Ayollar daftari” jamg‘armasidan uy-joy ta’miri uchun mablag‘ ham beriladi. Uning miqdori BHMning 30 baravaridan 50 baravarigacha bo‘ladi.
