Viloyatimizda ham g‘o‘zaning yangi, yuqori hosildor navlarini aprobatsiya qilish ishlari izchillik bilan davom ettirilmoqda. Viloyat hokimi Ulug‘bek Qosimov Termiz, Angor va Muzrabot tumanlarida amalga oshirilayotgan aprobatsiya jarayonlari bilan yaqindan tanishdi.
Tashrif davomida yangi navlarning hosildorlik ko‘rsatkichlari, iqlim sharoitiga mosligi, shuningdek, ularni parvarishlash va sug‘orish bilan bog‘liq agrotexnik tadbirlar muhokama qilindi. Mas’ul rahbarlar va fermerlarga issiq iqlim sharoitlarini inobatga olgan holda g‘o‘za qator oralariga yengil ishlov berish, suv ta’minotini yaxshilash hamda sug‘orish ishlarini o‘z vaqtida va tizimli tashkil etish yuzasidan tegishli ko‘rsatmalar berildi.
