Denov tumanidagi “Barkamol avlod” bolalar maktabida “Mental arifmetika” toʻgarak aʼzolari oʻrtasida “Mental kids” respublika koʻrik-tanlovining viloyat bosqichi o‘tkazildi. Ushbu koʻrik-tanlovda tanlovning shahar va tuman bosqichida g‘olib bo‘lgan 9-10 yosh toifasidagi “Mental arifmetika” toʻgarak aʼzolari ishtirok etdi.
Har bir shartda bilim va iqtidorlari sinovdan o‘tgan yoshlar g‘oliblik uchun bor mahoratlarini ishga soldilar. Yakuniy natijalariga ko‘ra 1-o‘rinni Sherobod tumanidagi “Barkamol avlod” bolalar maktabi o‘quvchisi Asilbek Shopo‘latov qo‘lga kiritdi.
G‘oliblar diplom va esdalik sovg‘alari bilan taqdirlandi.
