“Kichik qadamlar, katta sahnalar”

Date:

Termiz shahridagi 10-sonli davlat maktabgacha ta’lim tashkilotida Surxondaryo viloyatining barcha hududlaridan kelgan maktabgacha ta’lim tizimi mutaxassislari ishtirokida viloyat miqyosidagi o‘quv-amaliy seminar bo‘lib o‘tdi. Tadbir O‘zbekiston Respublikasi Maktabgacha va maktab ta’limi vazirligining 2025-yil 19-maydagi 161-son buyrug‘i asosida, “Turon kichkintoylari” bolalar teatr jamoalarini tashkil etish va rivojlantirish doirasida tashkil etildi.

Dastlab “Kichik qadamlar, katta sahnalar” shiori ostida “Turon: kichkintoylar” teatriga start berildi. Shundan so‘ng qo‘g‘irchoq, soya, barmoq, pantomima va boshqa sahna janrlarida bolalar ishtirokidagi teatr ko‘rinishlari namoyish qilindi. Ular orqali kichkintoylar o‘z iqtidorini ochib berish, jamoaviy ishlash, obrazga kirish, ifoda vositalaridan foydalanish ko‘nikmalarini sinovdan o‘tkazdilar.

2025-yil sentyabridan boshlab barcha davlat maktabgacha ta’lim tashkilotlarida “Turon kichkintoylari” teatr jamoalari faoliyati yo‘lga qo‘yiladi. Har yili maktabgacha ta’lim muassasalari tarbiyalanuvchilari o‘rtasida teatr festivallari o‘tkaziladi.

Avgust oyida maktabgacha ta’lim tashkilotlari tarbiyachilari uchun teatr yo‘nalishidagi o‘quv-amaliy seminarlar tashkil etiladi. Har bir maktabgacha ta’lim muassasasida teatr jamoasining repertuari, sahna chiqishlari va elementlari asosida to‘g‘rilangan metodik yo‘riqnomalar joriy etiladi.

Bolalar bilan ishlashda “Ilk qadam” davlat o‘quv dasturiga teatr elementlari integratsiyalashgan holda, sahnalashtirilgan mashg‘ulotlar muntazam o‘tkaziladi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun