Jarqo‘rg‘on tuman Maktabgacha va maktab ta’limi bo‘limi boshlig‘i Sirojiddin Adinayev Xitoydan tashrif buyurgan quyosh energiyasi texnologiyalari bo‘yicha mutaxassislar delegatsiyasi bilan samimiy uchrashuv o‘tkazdi.
Uchrashuv davomida tuman maktablarida energiya tejamkorligini ta’minlash, zamonaviy quyosh panellarini o‘rnatish bo‘yicha hamkorlik yo‘nalishlari muhokama qilindi. Mutaxassislar tomonidan taklif etilgan yechimlar maktablarda elektr energiyasi xarajatlarini kamaytirish va qulay o‘quv sharoitini yaratishga xizmat qilishi alohida ta’kidlandi.
Bu kabi xalqaro aloqalar nafaqat ta’lim sohasini, balki mintaqaning texnologik salohiyatini oshirishda ham muhim omil bo‘lib xizmat qilishi aniq.
