Termiz xalqaro savdo markazida Termiz davlat universiteti mas’ullari va talabalari ishtirokida “Sizning kelajagingiz – Termizda!” shiori ostida xalqaro taʼlim yarmarkasi tashkil etildi.
Yarmarkada viloyat hokimi U.Qosimov ham ishtirok etdi. Shuningdek, tadbir davomida xorijiy mehmonlar va afg‘onistonlik yoshlarga universitetning imkoniyat va salohiyatlari xususida batafsil ma’lumotlar berildi.
Yarmarka ishtirokchilari o‘zlarini qiziqtirgan barcha savollariga mutaxassislar tomonidan aniq javob olishdi. Tadbir yakunida abituriyentlar uchun ro‘yxatdan o‘tish va ariza topshirish bo‘yicha amaliy ko‘mak ko‘rsatildi.
