Keng jamoatchilik va ta’lim tizimi vakillari tomonidan berilgan yuksak baho asosida Jarqo‘rg‘on tuman Maktabgacha va maktab ta’limi bo‘limi boshlig‘i Sirojiddin Adinayev 2024–2025-o‘quv yilida samarali faoliyat yuritgan “Eng yaxshi ta’lim rahbari” deb topildi.
Shu munosabat bilan bugun Jarqo‘rg‘on tumanida o‘tkazilgan majlisda Surxondaryo viloyati Maktabgacha va maktab ta’limi boshqarmasi boshlig‘i Xusniddin Mamadiyev ishtirok etib, Sirojiddin Adinayevga faxriy yorliq va esdalik sovg‘asini topshirdi. Bu mukofot — rahbarning fidokorona mehnati, jamoasi bilan erishgan natijalari, tizimga olib kirgan yangiliklari va eng muhimi, bolalar taqdiri uchun mas’uliyat bilan yondashayotganining e’tirofidir.
