O‘z ustida ishlash, o‘qish, mehnat-u harakat insonning o‘sishiga yordam bersa, madaniy hordiq olib turish ham kelgusi maqsadlarimizni aniqlab olishga, ijod va san’atga oshno bo‘lish esa munosib motivatsiya bo‘lib xizmat qilishi aniq. Shu ma’noda an’anaviy tarzda respublikamiz bo‘ylab iyun oyi “Yoshlar oyligi” deb e’lon qilingan va ushbu oyni yanada ko‘taringki ruhda o‘tkazish maqsadida Termiz shahrida festival tashkil etildi.
Festivali doirasida Yoshlar ishlari agentligi tomonidan tashkil etilgan loyihalar targ‘iboti va turli ko‘ngilochar o‘yinlar yoshlarni faollikka chorladi. Shuningdek, festivalga yoshlarning sevimli san’atkori “Konsta” tashrif buyurdi va konsert dasturi barchani raqsga chorladi.
