Sho‘rchi tumanidagi 29-davlat maktabgacha ta’lim tashkilotidagi o‘g‘il-qizlarga zamonaviy shart-sharoitlar yaratilgan. Bolajonlar “Ilk qadam” davlat dasturi asosida o‘qitiladi. Shu bilan bir qatorda, turli xil mashg‘ulotlar davomida o‘zlari qiziqqan to‘garaklarda shug‘ullanishadi.
Ta’limda “Dolzarb 90 kun” loyihasi bo‘yicha turli ko‘ngilochar dasturlar, san’at, sport va sahna tomoshalari bolajonlarga bir olam quvonch baxsh etmoqda. Bundan tashqari, shaxmat-shashka musobaqalari ham o‘tkazilmoqda. Bolalarning, ayniqsa, rang-tasvir, chet tillari to‘garaklariga qiziqishi baland.
Maktabgacha va maktab ta’limi bo‘limida faoliyat yuritayotgan har bir insonning niyati o‘g‘il-qizlarimizning bilimini boyitish va aqliy salohiyatini yanada yuksaltirishdan iborat. Bunday ezgu sa’y-harakatlar vatanparvarlik, do‘stlik va tinchlik tuyg‘ularini kuchaytirishda ahamiyatlidir.
