Sariosiyolik fuqaro Suhrob Fattoyev o‘z uyi yaqinidan oqib o‘tuvchi Xarkush daryosi qirg‘og‘idan O‘zbekiston Respublikasining Qizil kitobiga kiritilgan noyob qush — qora laylak (Ciconia nigra)ni topib oldi.
Tezkor chaqiruv asosida Surxondaryo viloyati Ekologiya, atrof-muhitni muhofaza qilish va iqlim o‘zgarishi boshqarmasining nazorat inspeksiyasi, viloyat Milliy gvardiya boshqarmasi vakillari, Termiz hayvonot bog‘i mas’ullari hamda veterinariya mutaxassislari voqea joyiga yetib borib, qushni qabul qilib olishdi.
Qora laylak — yurtimizdagi eng noyob va muhofazaga muhtoj qushlardan biri bo‘lib, tabiiy yashash muhitida kamdan-kam uchraydi. Ushbu holat qushni inson aralashuvisiz qutqarish va asrash imkonini beradi. Mazkur noyob turdagi qush Termiz hayvonot bog‘iga vaqtinchalik topshirildi.
