Sherobod tumanidagi “Chuqurko‘l” mahallasida yashovchi, “Ayollar daftari”ning 1-toifasiga kiritilgan xotin-qizlar endilikda zamonaviy kasb-hunarga ega bo‘lmoqda. “Sayxunobod tajribasi” asosida “Issiqxona tashkil etish” yo‘nalishi bo‘yicha amaliy o‘quv mashg‘ulotlari boshlandi.
Ayollarimiz issiqxonada sabzavot yetishtirish sir-asrorlarini o‘rganib, o‘z bizneslarini boshlash sari qadam tashlamoqda. Mehnatkash ayollar o‘quv jarayonida har lahzadan unumli foydalanib, o‘zlari uchun foydali va manfaatli ma’lumotlardan xabardor bo‘lib borishayotir. Bu nafaqat yangi ko‘nikma, balki mustaqil hayot sari bir eshikdir.
