Bibiniso va Gulinisolar g‘olib

“Ehtirom karvoni” respublika chellenjlar tanlovi e’lon qilingan edi. Yurtimizdagi o‘g‘il-qizlar faol ishtirok etib, o‘zlarining nechog‘lik tashabbuskor va salohiyatli ekanliklarini namoyon etishdi.
Natijalari e’lon qilinib, Surxondaryo viloyati faxrli 1-o‘rinni qo‘lga kiritdi. Sherobod tuman “Barkamol avlod” bolalar maktabining “Kompyuter dizayni va grafikasi” to‘garagi a’zolari — Bibiniso va Guliniso Anvarovalar loyihada g‘olib deb topildi.
Tanlov respublika “Barkamol avlod” bolalar maktabi tomonidan o‘tkazilgan bo‘lib, unda butun O‘zbekiston bo‘ylab eng faol va ijodkor bolalar ishtirok etdi.