Har yili hududda hosildor, ertapishar hamda yuqori sifatli tolaga ega navlar ekilib, belgilangan agrotexnik tadbirlar asosida parvarish qilinadi. Joriy yilda Angor tumanida 4 450 gektar maydonda paxta parvarish qilinayotgan bo‘lib, “Zamin Angor klaster” MCHJga qarashli, “Kayran” mahallasida joylashgan 12 gektarlik paxta dalasida ekilgan g‘o‘za nihollari gulladi.
Hosildorlik va mahsulot sifatini ta’minlash maqsadida tuman fermerlar kengashi hamda soha mutaxassislari ishtirokida dalalardagi holat muntazam monitoring qilinib, dehqonlarga amaliy yordam va zarur tavsiyalar berib borilmoqda.
