Ajdodlar xotirasi yod etildi

Date:

Bugun mamlakatimiz bo‘ylab 9-may — Xotira va qadrlash kuni o‘zgacha ma’naviy ruhda nishonlanmoqda. Bu sana — aziz ajdodlarimiz xotirasini yod etish, ularning ezgu ishlari davomchisi bo‘lish, Vatan ravnaqi yo‘lida fidokorona xizmat qilgan keksalarga chuqur hurmat va ehtirom ko‘rsatish kabi olijanob maqsadlarni o‘zida mujassam etgan muhim sanadir. U barchaning qalbida o‘chmas iz qoldirmoqda.

Surxondaryo viloyatida ham Xotira va qadrlash kuni keng nishonlanmoqda. Erta tongda Termiz shahridagi Xotira maydonida viloyat hokimi Ulug‘bek Qosimov boshchiligida huquqni muhofaza qiluvchi organlar, davlat va jamoat tashkilotlari vakillari, faxriylar hamda keng jamoatchilik ishtirokida tantanali tadbir bo‘lib o‘tdi.

Tadbirda Motamsaro Ona haykali poyiga harbiy orkestr sadolari ostida gulchambarlar qo‘yildi. Ushbu marosim yurtimiz tinchligi va xalqimiz osoyishtaligi yo‘lida jon fido qilgan yurtdoshlarimiz xotirasiga hurmat bajo keltirish, ularning mangu xizmatlarini e’zozlash ramzi bo‘ldi.

Shundan so‘ng, faxriylar, nuroniylar, mehnat fronti ishtirokchilari va harbiylar ishtirokida “San’at saroyi” majmuasida bayram konsert dasturi tashkil etildi. Dastur davomida urush yillarining og‘ir manzaralarini aks ettirgan sahna ko‘rinishlari, musiqiy chiqishlar namoyish etildi.

Dunyo tinchligi yo‘lida jonini fido qilganlar xotirasi yod etilib, hozirgi dorilomon hayotimiz uchun shukronalar aytildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun