ISHLAR JADAL BOSHLANDI

Pillachilik — ipak qurti boqish, pilla yetishtirish majmui, qishloq xo‘jaligining ipakchilik sanoati uchun xomashyo yetkazib beradigan asosiy tarmoqlaridan biri sanaladi.
So‘nggi yillarda soha rivojiga alohida e’tibor qaratilib, mahsuldorlik darajasi kengayishida qator ishlar amalga oshirilmoqda. Muzrabot tumanida 319 ta fermer xo‘jaliklari hamda tuman “Agropilla” MCHJ va aholi xonadonlarida joriy yil uchun iqlim sharoitiga mos, kasalliklarga chidamli xorijiy navlardan 2754 quti ipak qurti parvarishlanmoqda. Bu orqali pillakorlarimiz o‘z oldilariga qo‘yilgan 165,2 tonna davlat rejasini ortig‘i bilan bajarishmoqchi.
Muzrabot tumani hokimi v.b Baxrom Xidirov hamda tuman IIB boshlig‘i O‘tkir Shukurovlar tuman Agropilla MCHJga fermerlar tomonidan topshirilayotgan pilla sifati bilan tanishib, pilla topshirayotgan fermerlar bilan suhbatlashishdi.