IT — bog‘chadan boshlanadi

Surxondaryo viloyatida maktabgacha ta’lim tizimi yangi bosqichga ko‘tarilmoqda. Endilikda kichkintoylar raqamli dunyo bilan tanishib ulg‘ayadi. Viloyatdagi har bir tuman va shahardan tanlab olingan tayanch davlat maktabgacha ta’lim tashkilotlari Maktabgacha va maktab ta’limi vazirligi tomonidan 1 dona interaktiv doska va 30 dona zamonaviy planshet bilan ta’minlandi.Bu tashabbus nafaqat ta’lim sifatini oshiradi, balki bolalarning mantiqiy tafakkuri va texnologiyalarga bo‘lgan qiziqishini erta rivojlantiradi. Pedagoglarga interaktiv usullar orqali samarali mashg‘ulotlar o‘tkazish imkonini beradi. Qolaversa, bolajonlarning kelajakda raqamli savodxon bo‘lib ulg‘ayishini ta’minlaydi.