An’ana takrorlandi…

Maktab va uy orasi ancha masofa bo‘lgan hududlar ham bor. Yaxshi hamroh, mazmunli suhbat manzilga zumda yetib borgandek taassurot uyg‘otadi. Mazmunli suhbt deganda, ijtimoiy tarmoqdagi shov-shuvlar, internet o‘yinlarida kim yaxshiroq o‘ynagani emas, o‘qishli asarlar mutolaasi, taassurotlar haqida bo‘lsa, nur ustiga.
Ana shunday suhbatlarni tashkil etish, yoshlarni kitobga oshno etish maqsadida olis hududlarda uzoq masofadan ta’lim-tarbiya olish uchun katta masofani bosib maktabga qatnaydigan o‘quvchilarga kitob sovg‘a qilish an’anasi davom etmoqda. Tadbir doirasida o‘quvchi-yoshlarga kitoblar tuhfa etilib, yo‘l bo‘ylab suhbatlar qizg‘in tus oldi.
Suhbat davomida o‘quvchilar bilan o‘qiyotgan maktabidagi ta’lim sifati, oxirgi o‘qigan kitobi, kelajakdagi orzulari va boshqa shu kabi mavzularda fikr almashildi.