Viloyat hokimi Ulug‘bek Qosimov aholi bilan doimiy ravishda o‘tkazib kelayotgan onlayn qabulining navbatdagisini Sherobod tumani hokimligi studiyasi orqali o‘tkazdi. Qabulda Termiz shahri va tumanlar studiyalaridan Xalq qabulxonalari orqali viloyat rahbariga murojaat yo‘llagan 136 nafar fuqaroning 142 ta masaladagi muammolari tinglandi.
Mutasaddi rahbarlar ishtirokida ko‘rib chiqilgan murojaatlarning 19 tasi qabul jarayonida ijobiy hal etildi. Ijrosi vaqt va qo‘shimcha o‘rganish talab etuvchi 113 ta murojaat viloyat, shahar va tumanlar darajasidagi 105 nafar mas’ul rahbarga biriktirilib, nazoratga olindi.
