Jangovar qurol-yarog‘lar topshirildi

Qurol-yarog‘siz askarni tasavvur eta olmaymiz. Ayni aslahalar va harbiy tayyorgarlik bilan ular kuchli va jasurdirlar. Janubi-g‘arbiy maxsus harbiy okrug tasarrufidagi Xayrobod garnizonida joylashgan harbiy qismda yangi chaqirilgan muddatli harbiy xizmatchilarga jangovar qurol-yarog‘, harbiy va maxsus texnikalar topshirildi.
Tadbir avvalida qurol-yarog‘, harbiy va maxsus texnikalarni imkoniyatlari va zamonaviy jangdagi ahamiyati, qurol-yarog‘, harbiy va maxsus texnikadan foydalanishdagi xavfsizlik qoidalari tushuntirildi. Harbiy xizmatchilar ko‘zida ishonch, yuragida g‘ayrat jo‘sh urmoqda. Ishonchimiz komilki, ular qabul qilib olgan qurol-yarog‘lar, harbiy texnikalar bilan mahoratlarini oshirib, munosib xizmatchilar bo‘lib shakllanishadi.