6 ta murojaat joyida hal

Surxondaryo viloyati prokurori B.Babadjanov tomonidan jismoniy va yuridik shaxslar hamda ularning vakillari uchun Termiz tumanida sayyor qabul o‘tkazildi. Qabulda jami 27 ta murojaat kelib tushgan bo‘lib, ushbu murojaatlarning aksariyati yer va kadastr hujjati rasmiylashtirish, ichimlik suvi ta’minoti, bank krediti, surishtiruv, tergov va ijro hujjatlari bilan bog‘liq masalalarni tashkil etadi.
Kelib tushgan murojaatlarning 6 tasi joyida ijobiy hal qilingan bo‘lsa, tekshirish talab etadiganlari alohida nazoratga olindi. Umid qilamizki, qabulga kelgan hech bir fuqaro noumid ketmadi, balki muammosi hal etilib, maqsadiga erishdi.