Viloyatimizda davlat tashkilotlarida har oyning bir kuni “Teatr kuni” deb belgilangan. Shu maqsadda viloyat Musiqali drama teatrida “Imom Termiziy” nomli sahna asari namoyish etildi.
Spektakl tomoshasida korxona, tashkilot, oliy taʼlim muassasalaridagi ma’naviyatga mas’ul bo‘lgan xodimlar, keng jamoatchilik vakillari, shoir va yozuvchilar, talaba-yoshlar ishtirok etdi. Spektaklda buyuk muhaddis olim ijodining yosh avlod ma’naviy-ruhiy olamini boyitishdagi ahamiyati,
milliy iftixor, Vatanga muhabbat va sadoqat tuyg‘usini yanada kuchaytirishdagi o‘rni, hozirgi globallashuv jarayonlarida yosh avlodni islom diniga yot g‘oyalardan asrash kabi masalalarga alohida e’tibor qaratilgan.
Tomoshabinlar sanʼat asari tomoshasidan zavq olib, oʻtkazgan vaqtiga sira achinishmadi. Buyuk vohadoshimizni yana bir bor oʻzlari uchun kashf etdilar.
