Imkoniyatlar ishga solinsa…

Date:

Ta’limda va sportda yoshlar erishayotgan muvaffaqiyatlardan quvonish bilan birga, ularning safini kengaytirish, yangidan yangi iqtidorlarni kashf etish lozim. Chunki millatimiz yoshlari bundan-da ko‘prog‘iga qodir. Bu boradagi imkoniyatlarni to‘g‘ri ishga solish maqsadida Surxondaryo viloyati hokimi Ulug‘bek Qosimov Qumqo‘rg‘on tumaniga tashrifida dastlab, tuman hokimligida viloyat sektor rahbarlari ishtirokida sport sohasi mutasaddilari, federatsiyalar va sport maktablari direktorlari bilan sport turlarini rivojlantirish masalalarini muhokama qildi. Soha mas’ullariga chora-tadbirlar belgilab berildi.
Shundan so‘ng, 12-sonli maktab rekonstruksiyasi hamda 16-sonli bog‘cha sharoitlari bilan tanishildi. Qurilish ishlarini sifatli olib borish hamda bog‘chani ta’mirlash bo‘yicha takliflar ishlab chiqish lozimligi ta’kidlandi. Shuningdek, “Bobolochin” mahallasida aholi vakillari bilan muloqot qilindi va muammolar tinglandi. Mutasaddilarga infratuzilmani yaxshilash, yo‘l va yo‘laklarni ta’mirlash, beton ustunlarni almashtirish kabi vazifalar topshirildi.
Keyingi manzil 1-sonli politexnikum bo‘ldi. Ta’lim maskanida oliy ta’lim muassasalari mas’ullari biriktirilgan maktablarda amalga oshirilayotgan tadbirlar, professional ta’lim maskanlari bilan hamkorlikda rejalashtirilgan ishlar taqdimot qilindi. Politexnikumlar imkoniyatlaridan foydalangan holda ishlab chiqarishni tashkil etish orqali qo‘shimcha daromad topish bo‘yicha bajarilgan ishlar hisoboti bilan ham tanishildi. Shuningdek, shu yerning o‘zida viloyat Sog‘liqni saqlash boshqarmasi boshlig‘ining ham axboroti qabul qilindi.
Tashrif davomida 69-sonli maktabda viloyatda ta’lim ko‘rsatkichlari past bo‘lgan 30 ta maktab direktori ishtirokida muhokama o‘tkazildi. Unda ta’lim sohasi mutasaddilari va direktorlarning axborotlari tinglanib, amalga oshirilishi lozim bo‘lgan vazifalar, oliy ta’lim va boshqa muassasalar bilan hamkorlikni kuchaytirish, ta’lim sifatini yaxshilash, jinoyatchilikning oldini olish masalalarida chora-tadbirlar belgilab berildi.
Yakunda tumanning “Arslonboyli” mahallasida aholining tomorqadan samarali foydalanishi, xonadonlarda 10 tupdan mevali daraxt ko‘chatlari ekish ishlari hamda mahalla “yettiligi” faoliyati bilan tanishildi. Aholi tomonidan ko‘tarilayotgan muammolarni hal etish, turmush sharoitlarini yaxshilash yuzasidan ko‘rsatmalar berildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun